ليه بتغير آيسي بدون نتيجة؟ والسؤال الأهم: ليه قياس الممانعات وحده ما يكفيش لتحديد مشاكل بعض المقاومات؟ الإجابة في سببين.
السببين
- الممانعة بتستمد قيمتها غالبًا من التساقط في الجهد على أشباه الموصلات داخل الآيسي، مش على المقاومات الموصلة على المسار، وخصوصًا لو قيم المقاومات كبيرة. لأن التيار دايمًا بيسلك أقصر طريق، وهو الأقل مقاومة والأقل تساقطًا في الجهد.
- تلف المقاومة مش بيعتمد طول الوقت على قيمتها الأومية، لكن في معظم الحالات على قمة الطاقة الكهربية المستهلكة داخلها. يعني بعض المقاومات التالفة ممكن تتقاس بالأوم وتدي قراءة سليمة وهي فعلًا تالفة.
ومن ده نستخلص إن المقاومات المؤثرة في قياس الممانعة غالبًا هي ذات القيمة الأومية الصغيرة، تحت 1 كيلو أوم.
إمتى الشك يروح للمقاومات؟
نبدل المقاومات بعد ما نتأكد من القياسات دي كلها:
- ممانعة المسار سليمة.
- الممانعة أسفل الآيسي سليمة.
- قيمة الجهد على المسار سليمة.
- شكل الإشارة على الأوسيلوسكوب سليم.
- تم تبديل الآيسي بدون جدوى.
والأمثلة تطول: مقاومات CMD، ومقاومات i2c Pull up، ومقاومات تغيير حالة إشارات كتير زي iD وReset وint وClk وSync، ومقاومات دوائر تجزئة الجهد Voltage Divider.
مشاكل قياس نسبة البطارية
لو المشكلة في قياس نسبة البطارية، أو الهاتف بيشتغل على الشاحن بس ومش على البطارية لوحدها، أو الشحن بيقف عند نسبة معينة (باستمرار أو بتوقف السحب على تيستر الشحن)، فمسؤولية المسارات دي:
- vSense وiSense (CS_P وCS_N).
- ولمعرفة بياناتها: Batt id وBatt on وBatt Therm.
واللافت إن أغلب مشاكل المسارات دي ما بتظهرش بوضوح في قياسات الممانعة والجهود، وهتديك قراءات أقرب للصواب مع وجود مشاكل فعلًا في المكونات. وأكتر من عطل اتحل في جروب الدعم الفني بتغيير المقاومات على المسارات دي حتى لو قراءاتها سليمة. فتعامل معاها بجدية قبل ما تتوجه ناحية آيسي الشحن أو ملف الشحن.