حسبت المعادلة وعرفت قيم المقاومتين. طب هتحطهم فين على البوردة؟ ده الجزء اللي الشرح النظري ما بيجيبوش. هنا هنشوف إزاي مقسم الجهد بيتلحم فعلًا لتعويض جهد مفقود، باستخدام مقاومة 2.2 كيلو أوم ومقاومة 1 كيلو أوم.
إيه هو Voltage Divider؟
Voltage Divider أو مقسم الجهد مقاومتين ورا بعض بين جهد المصدر والأرضي، والجهد الخارج بتاخده من النقطة اللي بينهم. R1 هي اللي على ناحية المصدر، وR2 هي اللي على ناحية الأرضي.
إزاي تثبت المقاومتين على البوردة؟
- دور على مكان فاضي في البوردة فيه نقطة أرضي.
- حط نقطة فلاكس صغيرة وقصدر النقطة بسن الكاوية.
- هات R2، وهنا 2.2 كيلو أوم، من بوردة تقطيع، وقصدر رجلها.
- الحم طرف من R2 في نقطة الأرضي.
- هات R1 وهنا 1 كيلو أوم، وركبها فوق طرف R2 الحر.
- خد بالك من كمية القصدير، سنة صغيرة كفاية، مش كمية كبيرة.
محتاج كام سلك؟ ويتوصلوا فين؟
سلكين. سلك داخل، وسلك خارج:
| السلك | يبدأ من | يوصل لـ |
|---|---|---|
| الدخول | نقطة على جهد المصدر | المقاومة R1، اللي مش ملحومة في الأرضي |
| الخروج | المنتصف بين R1 وR2 | نقطة الجهد المفقود |
قصدر طرف السلك الأول عشان اللحام يبقى أسهل، وحط نقطة فلاكس صغيرة، والحم على أي نقطة على الخط.
إزاي تختار جهد المصدر الصح؟
مش أي جهد أعلى من المطلوب ينفع. الشرط إن الجهد اللي هتاخد منه يطلع وينتهي في نفس التوقيت بتاع الجهد المفقود.
ودي دايرة تقسيم الجهد، وجزئية زي دي ممكن تستخدمها في حاجات كتير جدًا.