الأرضي (GND) مش مجرد نقطة بتحط عليها السالب. القواعد دي تفهمك بيعمل إيه على البوردة.
الأرضي ودوره في الدائرة
- الأرضي هو الطرف المتمم للدائرة. بيتحدد بعد توصيل مصدر الطاقة، وقبل كده هو مجرد شريحة نحاسية بتمرر التيار. قيمة الجهد عليه صفر فولت.
- التيار بيتحرك من الجهد الأعلى للأقل، وأقل الجهود على الإطلاق هو الأرضي (صفر فولت). حتى الجهود السالبة قيمتها أعلى من الأرضي، لأن السالب في الكهرباء مجرد اتجاه.
- عمليات الـ Switch أسفل الأرضي معناها توليد جهد سالب.
- الأرضي هو عامل جذب التيار ليتم استهلاكه داخل الأحمال (آيسيهات أو مكونات).
- الجذب للأرضي مش دايمًا مباشر، لأن ده معناه استهلاك تيار عالي. بيتحط مقاومات بقيم عالية لخنق التيار. والتحكم في التيار المستهلك في أغلب الدوائر بيكون بمقاومات مع الأرضي، زي الإضاءة بمقاومات 4 أو 5 أوم، أو الشحن بمقاومات تحسس التيار.
الأرضي في الإرسال والقياس
- الأرضي منطقة مليانة تشويش من الدوائر المنطقية.
- بيُستخدم كنقطة مرجعية لدوائر الإرسال والاستقبال، وكأنتينة إضافية فيها.
- بيُستخدم كنقطة مرجعية في القياس.
- مش كل قواعد المسامير أرضي.
أرضي الآيسي وتثبيته
- رجول الأرضي تحت الآيسي مش كلها مهمة، لكن ماينفعش التخلي عنها. التثبيت في الأرضي أقوى تثبيت للمكونات.
- شرائح النحاس الخاصة بالأرضي لازم تكون أعرض من غيرها.
مش هتقدر توقف كلام عن الأرضي، بس من دلوقت لازم تحترمه.