قبل أي حاجة فرّق في دماغك بين الإشارات (Signals) وبروتوكولات التواصل. المقال ده عن الأولى بس.
الإشارات
| الإشارة | معناها |
|---|---|
| Enable (EN) | تفعيل مرة واحدة يدوم طوال مدة عمل الدائرة (إضاءة، باور الشاشة). ممكن تلاقي أكتر من تفعيل في دائرة واحدة: أساسي وثانوي (Main وSec). |
| Reset (RST) | وقف القديم وابدأ جديد. ولو مفيش قديم، الهدف التفعيل. ممكن تتكرر مع الدوائر اللي بتشتغل في وضع الخمول لتوفير الطاقة، وممكن تكون أمر مسح بيانات مخزنة في Registry (ذاكرة بسيطة جوه الآيسي). |
| Interrupt (INT) | استكمال العملية القديمة وبدء عملية جديدة. مصدرها دايمًا خارجي ناحية المعالج (الشحن، USB، اللمس، الاسبيكر). |
| Detect (DT / DET) | الإحساس بمكون خارجي أو عملية جديدة. أربع أشكال: مسار High يتحول Low لما تدخل المكون (دوائر شحن قديمة وهاندفري)، العكس (بيت الشريحة وكارت الميموري)، دائرة تقسيم جهد (الشحن)، أو لما الدائرة تتقفل (الشاشة). |
| Clock (CLK / CK) | موجة متكررة من الأصفار والواحايد (Digital) للتزامن بين المعالج وآيسي تاني. مش دايمًا تابعة لبروتوكولات التواصل، وممكن توصل لآيسي ليولد منها إشارات تانية. |
| Sync (SYNC) | التزامن بين دائرتين أو أكتر عشان الأوامر ما تتلخبطش. ممكن يتعوض بإشارتين CLK أو أكتر. |
| Command (CMD) | ممكن تشتغل لوحدها أو مع إشارات من اللي فوق، وبتعني تعدد الأوامر، فممكن تحل محل واحدة أو أكتر منهم. |
طرق الفحص والقياس
- الممانعة: سلامة المسار مش دليل قطعي على سلامة الإشارة.
- قياس الجهد: أغلب المسارات بتتنقل بين 1.8 فولت و0.0 فولت، فمش هتشوف حركة الإشارة في كل حالاتها.
- Logic Probe: بتديك إيحاء بحركة الإشارة من غير قياس دقيق لقيمها.
- Logic Analyzer: من أفضل الوسائل، بتدي القيم العليا والصغرى للجهد وصورة واضحة لحركة الإشارة.
- Oscilloscope: الأفضل على الإطلاق، بتشوف الإشارة بوضوح وتعرف قيمها وترددها وحركتها.
تحذير: لفحص وقياس أي إشارة لازم تفهم طبيعة عمل الدائرة ككل، ويفضل يكون معاك الـ Datasheet الخاصة بالآيسي.