تلخيص قواعد عمل آيسي الباور (PMU أو PMIC)، احفظها من وضعي وترتيبي.
بداية التشغيل
- المحرك الأساسي للتيار هو الأرضي، حسب القاعدة إن التيار يتحرك من الجهد الأعلى للأقل. والأرضي 0 فولت هو أقل الجهود على البوردة (حتى أقل من السالب لأنه مجرد اتجاه).
- آيسي الباور آيسي "غبي": مصمم يتبع نظام معين للعمل ولا يتجاوزه ولا يفكر.
- تسليم جهد التغذية الرئيسي للآيسي لا يعني عمله بالضرورة، لأن العامل المؤثر في تشغيل الدوائر هو التيار وليس الجهد بالمقام الأول.
- لبداية تحريك التيار لازم يتقرن مع الأرضي، وده بيحصل عن طريق مفتاح الباور ومقاومة جذب لأسفل (Pull Down)، سواء خارج الآيسي أو داخله أو على مسار مفتاح الباور.
إنتاج الجهود
- الآيسي بيبدأ ينتج عدة جهود Buck ويحرك عملية الـ Switch للملفات حسب استهلاك التيار الذاهب للآيسيهات المستهدفة. بيحدده من التغذية العكسية (Feedback) الراجعة له بعد إنتاج جهود الـ Buck.
- للتغذية العكسية دور تاني: تعلم الآيسي إن جهد الـ Buck ده اتنتج، فيشرع في إنتاج الجهد اللي بعده. يعني البكات معتمدة على بعضها.
- جهود الـ Buck بتغذي الآيسيهات متغيرة الحالة (تيار الاستهلاك جواها بيختلف حسب وضع التشغيل) زي المعالج وبعض أنواع الرامات.
- بعد ما ينتهي من سلسلة الـ Buck، يبدأ سلسلة تانية من الجهود المنظمة LDO (Low Drop Output): جهود ثابتة التيار والجهد للدوائر اللي حالتها ما بتتغيرش زي الذاكرة والكاميرات. يعني الـ LDO معتمدة على الـ Buck.
- آيسي الباور في الأصل بيستغل مصدر طاقة واحد عالي نسبيًا لتغذية قطع محتاجة جهود منخفضة (آيسي خفض، حتى لو فيه جواه دوائر رفع). وده بيصعب استغلال مصدر واحد لإنتاج قرابة 50 جهد منخفض، فبيرجع جهود الـ Buck للآيسي تاني لاستخدامها في إنتاج الـ LDO.
إشارة اكتمال التغذية
آيسي الباور يحتاج ضغطة مستمرة من إصبعك على زر الباور لحد وصول إشارة اكتمال التغذية من المعالج. اسمها يختلف حسب نظام عمل المعالج: RST أو STAY ALIVE أو SYS ALIVE.
إزاي يبان العطل
- الشورت على خرج آيسي الباور بيظهر كسحب أمبير عالي على غير المعتاد، وغالبًا الجهاز بيتوقف عنده.
- القطع على خرجه بيظهر كسحب ضعيف مع الرجوع للصفر أحيانًا، لأن التيار هو المحرك وتوقفه بيخلي الآيسي يستسلم.
- لو الشورت على جهود تغذية المعالج بالتحديد، ممكن الجهاز يدخل في حالة LOOP (تكرار)، لعدم وصول إشارة اكتمال التغذية.
وكده الواجهة الرقمية (Digital I/O) لسه مذكرتهاش، هنتكلم عنها بعد كده.