إزاي تتعلم تقرا المخطط من غير ما تحفظ مصطلحاته: اتتبع المسار وارسم Block Diagram

لو وقفت قدام الطالب ومرّيت على المخطط كله عشان يحفظ مصطلحات كتير ودخل وخرج كل دايرة، مش هستفيد حاجة. هيتخم دماغه ويتوه ويتعقد.

ابدأ ببساطة

بنبدأ بالبساطة، وندرب الطالب عمليا إنه يكتشف الجديد بنفسه. ينتقل بين صفحات المخطط بنفسه، ويدور على معاني المصطلحات بنفسه، ويكتشف التطور اللي بيحصل في الدوائر. لحد ما يبقى قادر يتعامل مع المخطط في محله وورشته. وبكده بنكسر رهبة اللغة الإنجليزية والمصطلحات المعقدة عنده.

تتبع المسار وارسم Block Diagram

الـ Block Diagram رسمة بسيطة بتوريك الدايرة صناديق وأسهم. وتتبع المسار على المخطط ورسمه كده لعبة بسيطة: فيديو عشرين دقيقة وتقدر تعملها. لكن الأهم إننا نعلم الطالب:

• يستخرج الأعطال من المخطط.
• يحدد العنصر.
• لو خلع العنصر، شكل العطل هيبقى إيه.
• لو حصل فيه شورت، شكل العطل هيبقى إيه.

الموهبة دي بننميها في الطلاب عشان يتميزوا ومايعتمدوش على حد تاني في تحديد الأعطال.

ولو مفيش مخطط؟

في أجهزة الاندرويد ساعات مبتلاقيش مخطط للبوردة. هنا بتتتبع المسارات على البوردة نفسها، وترسم بنفسك مخطط للبوردة. ودي مهارة بنتدرب عليها.

أنا بقولها دايما: لا تعطني سمكة ولكن علمني كيف أصطاد.