جهاز إنفينكس X650C جاي من محل. اللي جابه بيقول إنه استلمه واقف على الشعار (الشعار الأول) من زبون كان بيحاول يتخطى إيميل الجيميل (FRP).
واحد من الطلاب اقترح فرمتة الجهاز لأن العطل ده وارد في الأجهزة دي. دخلنا Recovery وبدأنا نفرمت، ولقينا رسالة الخطأ المشهورة: E: Failed to mount. وهنا بدأ الشك في الذاكرة الداخلية.
الخطوات
- تحميل فلاشة كاملة، احتمال كبير نحتاجها.
- سحب دامب كامل بالباندورا (ماعدا system وuser data). كده إحنا في الأمان، نتحرك مع الذاكرة نفسها.
- الوقوف على الشعار الأول معناه مشاكل في preloader وBoot. ممكن يقبل أمر فورمات كامل ويقلع من غير السيريال وملفات الحماية، وممكن ينام في سبات عميق. اتفق مع الزبون قبل الخطوة دي.
- السحب على التيستر: 450 ملي أمبير مع البطارية و90 ملي أمبير من غيرها. كده ذاكرة رسمي.
- فكيت الصاجة ورفعت الذاكرة (غير محمية) ووضعتها في بوكس UFI من نوع BGA 254 وقرأت البيانات. البوكس قال إن الذاكرة تالفة بنسبة 90% في health report.
- واحد من الفريق أعاد صحة الذاكرة في محاولة للإبقاء عليها (الذواكر 254 غالية). صحة الذاكرة رجعت سليمة، لكن عند الفلاشة الجهاز اتعرف على الكمبيوتر MediaTek فقط.
- كده لازم نغير الذاكرة. سألنا تجار الآيسيهات: مش موجودة. بوردة زيها: مفيش.
- دورنا في الذواكر اللي الطلبة بيخلعوها وينضفوها كل دورة، ولقينا واحدة متوافقة.
- فلش، تركيب، تشغيل، إصلاح الحمايات، والجهاز رجع للحياة.
وبعدين؟
الجهاز بعدها بقى بيعمل حاجة غريبة: ريستارت كل 5 دقايق تقريباً وبيفتح لوحده. فصلت فلاتة الشحن فاتضبط. غيرت فلاتة الشحن بقى بيعمل ريستارت بس في مدة أطول. سبته لبكره.
الدروس المستفادة
- الهارد وير والسوفت وير أخين توأم، لازم تتقنهم لو بتطمح لمراكز متقدمة في مجالنا.
- الفهم والفحص والقياس بيريح.