لو جالك جهاز بيشحن عادي بس الشحن السريع مش شغال، قبل ما تغيّر IC وتضيع وقتك لازم تفهم المنظومة دي كويس.
الفكرة الأساسية
زمان كان المسار: شاحن ثم IC وCoil ثم بطارية. دلوقتي الشاحن بيدّي فولت عالي، والـ IC بيقسم الفولت ويغذي البطارية مباشرة.
الاتنين، Direct Charge عند سامسونج وCharge Pump عند شاومي، معتمدين على نفس التقنية: Switched Capacitor، من غير Coil، وبتستخدم Flying Capacitors. أهم نقطة إن الـ IC بيشتغل كـ 2:1 Converter: بيخفض الفولت للنص تقريبًا ويرفع التيار. وده سر الشحن السريع الحقيقي.
مثال على تحويل 2:19V / 2A تقريبًا 4.5V / 4A
الفرق في التطبيق
- سامسونج (Direct Charge): IC منفصل بجانب IC الشحن الأساسي، غالبًا Single Phase، وبيشتغل بعد نجاح التفاوض. موجود في موديلات كتير زي A15 وA16 وA17 وA26 وA36 وA55 وM15 وZ Flip 6 5G.
- شاومي (Charge Pump): زي الـ IC اللي في Redmi Note 13 اسمه SC8551. Multi-phase، وتيار عالي جدًا يوصل لحوالي 6A، وتحكم كامل عبر I2C، وحماية أعلى. بيستخدم في أجهزة كتير زي Poco X4 Pro وPoco X4 GT وMi 11 Lite 5G وNote 11T Pro+ وPoco X6 Neo وNote 12 5G.
ومن المخطط: CFH وCFL هما الـ Flying Capacitors، وVOUT خارج للبطارية، وVSENSE مراقبة دقيقة لجهد البطارية. يعني الفكرة واحدة، وسامسونج أبسط وشاومي أعقد وأقوى.
مسار الشحن الحقيقي
- توصيل الشاحن.
- التفاوض (آيسي الشحن الأساسي أو Type-C).
- VBUS يرتفع (9V أو أعلى).
- Direct Charge أو Charge Pump.
- تقسيم الفولت ومضاعفة التيار.
- VBATTERY ثم البطارية.
تحدد العيب فين؟
الشحن السريع له مرحلتين: التفاوض ثم التحويل. أول خطوة قيس على VBUS.
- VBUS = 5V بس: التفاوض فشل. العيب في سوكت الشحن أو CC1 وCC2 أو آيسي الشحن الأساسي أو الكابل أو الشاحن. مالوش علاقة بالـ Direct Charge ولا الـ Charge Pump.
- VBUS = 9V أو أعلى: التفاوض نجح، ابدأ افحص IC الشحن السريع.
- MIDVBUS = 0 أو غير ثابت: العيب في IC الـ Direct Charge أو الـ Charge Pump، أو في المكثفات (C1 وC2 أو CFH وCFL).
- MIDVBUS طبيعي لكن الشحن ضعيف أو بيفصل بعد ما يبدأ: العيب في BAT_SENSE أو الحرارة أو البطارية أو OVP أو OCP (حماية الجهد الزايد وحماية التيار الزايد).
خد بالك: التفاوض هو مفتاح التشخيص.