تخطَّ إلى المحتوى
دليل Yalla Mobile Desktop · الفصل 4

Logic Analyzer: فحص USB وUCSI وRFFE وفتح ملف

تبويب «فحص USB» في Logic Analyzer بيفحص خطوط الـUSB في الموبايل من الكمبيوتر (الباور والداتا والـCC)، وبيقولك أنهي خط سليم وأنهي خط تراجعه، والموبايل في وضع إيه. ومن «فتح ملف» و«RFFE / MIPI» بتفتح تسجيلات لوجيك أناليزر محفوظة (UART و RFFE) وتفحصها بنفس القواعد.

بيحل إيه

بتعرف المشكلة في السوكت ولا الكابل ولا مسار الداتا أو الشحن، وبتفتح لوج اتسجّل قبل كده من غير ما توصّل الموبايل تاني.

محتاج إيه

  • كابل داتا (تايب سي، أو USB-A لمايكرو) متأكد إنه سليم.
  • الموبايل متوصل بمنفذ في الكمبيوتر نفسه، مش على شاحن.
  • USB debugging شغال لو عايز البرنامج يسأل الموبايل عن الشحن والبطارية (مش شرط للفحص).
  • للفحص المتقدم: كمبيوتر ويندوز بمنفذ تايب سي، وصلاحية أدمن.
  • لـ«فتح ملف»: لوج نصي، أو CSV من Saleae Logic 2 أو sigrok/PulseView أو DSView، أو جدول الـdecoder. ملف .sal لازم يتصدّر CSV الأول.

خطوة بخطوة

الخطوة 1 من 8

1 اختار فيشة الموبايل

فيشة تايب سي فيها VBUS و D+ و D− و CC1 و CC2 و TX/RX. فيشة USB-A أو مايكرو فيها VBUS و D+ و D− بس، فالـCC هيطلع «مش في الفيشة دي». الـHONOR 50 تايب سي.

الخطوات مكتوبة (8)
  1. اختار فيشة الموبايلفيشة تايب سي فيها VBUS و D+ و D− و CC1 و CC2 و TX/RX. فيشة USB-A أو مايكرو فيها VBUS و D+ و D− بس، فالـCC هيطلع «مش في الفيشة دي». الـHONOR 50 تايب سي.
  2. الموبايل ظهر على منفذ في الكمبيوترالبرنامج بيعرض كل منافذ الكمبيوتر وإيه اللي على كل واحد. الموبايل على منفذ 3 تايب سي، متوصل بوضع «أندرويد (ADB)» وسرعة 480 ميجابت، ومكتوب جنبه «ده اللي هيتفحص». منفذ 2 عليه ميتر USB، ومنفذ 4 فاضي.
  3. دوس «افحص دلوقتي»الفحص العادي مش محتاج صلاحيات: بيقرا اللي الكمبيوتر شايفه على المنفذ، ولو USB debugging شغال بيسأل الموبايل كمان عن الشحن.
  4. النتيجة: «الـ USB في الموبايل شكله سليم»فوق النتيجة الإجمالية، وتحتها كل خط لوحده: الحالة، والسبب، والقيمة، ونوع الدليل.
  5. اقرا كل خطVBUS سليم: الموبايل بيقول إنه واخد باور (5.00 V · 2.00 A). D+ و D− سليمين: الداتا شغالة USB 2 على 480 ميجابت. CC سليم: التايب سي اتعرف. TX/RX «ملاحظة»: USB 2 بس، وده العادي في أغلب الموبايلات، مش عطل.
  6. «مستنتج» مش «مقاس»كل الخطوط هنا «مستنتج»: البرنامج حكم من تصرف الكمبيوتر والموبايل، مش من قياس بالفولتميتر. «من شريحة التايب سي» يعني اللي شريحة التايب سي في الكمبيوتر اتفقت عليه (من الفحص المتقدم)، و«مقاس» يعني اتقاس فعلًا.
  7. الموبايل بيقول إيه (adb)لأن USB debugging شغال، البرنامج سأل الموبايل نفسه: واخد باور AC (كشاحن)، أقصى شحن 5.00 V · 2.00 A، البطارية 80% و4.11 فولت و34.5 درجة، وداتا الـUSB شغالة.
  8. «تعمل إيه»البرنامج بيقترح الخطوة الجاية. هنا: اعمل اختبار القلب عشان تفحص خطين الـCC، لأن الفيشة في الاتجاه ده بتستخدم خط واحد بس.
الخطوة 1 من 4

1 ليه اختبار القلب؟

فيشة التايب سي بتتوصل بخط CC واحد بس في كل اتجاه (CC1 أو CC2). الفحص العادي بيختبر الخط اللي اتوصل. عشان تختبر التاني، لازم تقلب الفيشة.

الخطوات مكتوبة (4)
  1. ليه اختبار القلب؟فيشة التايب سي بتتوصل بخط CC واحد بس في كل اتجاه (CC1 أو CC2). الفحص العادي بيختبر الخط اللي اتوصل. عشان تختبر التاني، لازم تقلب الفيشة.
  2. دوس «ابدأ: الفيشة داخلة في اتجاه»البرنامج بيسجّل الاتجاه الأول: أنهي CC اشتغل. وبعدها بيقولك «دلوقتي اسحب الفيشة، اقلبها، ودخّلها تاني، وبعدين دوس تم.»
  3. اقلب الفيشة ودوس «تم»اسحب الفيشة من الموبايل، اقلبها، ودخّلها تاني، وبعدين «تم». البرنامج بيقرا الاتجاه التاني. لو دوست «إلغاء» الاختبار بيقف وترجع لـ«ابدأ: الفيشة داخلة في اتجاه».
  4. النتيجة: واحدة من اتنينبعد «تم» البرنامج بيكتب نتيجة واحدة من الاتنين دول. «شغال في الاتجاهين»: الموبايل اتعرف والفيشة في الاتجاهين، يعني خطين الـCC (CC1 و CC2) ورجولهم في السوكت شغالين. «شغال في اتجاه واحد بس: خط CC أو رجله في السوكت بايظ»: الموبايل اتعرف في اتجاه واحد بس، فافحص رجل الـCC بتاعة الاتجاه التاني في السوكت والخط اللي ماشي منها. الكارت هنا بيوريك الاحتمالين، مش نتيجة موبايل معيّن.
الخطوة 1 من 6

1 قبل ما تدوس: الفحص ده بيعمل إيه

«فحص متقدم» بيستخدم UCSI، يعني بيقرا شريحة التايب سي اللي في الكمبيوتر نفسه: عقد الشحن اللي اتفقوا عليه وخطوط الـCC. شغال على ويندوز بس، ومحتاج صلاحية أدمن، ومش بيغيّر أي حاجة في الموبايل.

الخطوات مكتوبة (6)
  1. قبل ما تدوس: الفحص ده بيعمل إيه«فحص متقدم» بيستخدم UCSI، يعني بيقرا شريحة التايب سي اللي في الكمبيوتر نفسه: عقد الشحن اللي اتفقوا عليه وخطوط الـCC. شغال على ويندوز بس، ومحتاج صلاحية أدمن، ومش بيغيّر أي حاجة في الموبايل.
  2. دوس «فحص متقدم»البرنامج بيسألك الأول «تشغّل الفحص المتقدم؟» وبيشرحلك اللي جاي: ويندوز هيطلع رسالة صلاحيات مكتوب فيها Windows PowerShell، تدوس فيها Yes، والفحص بيشغّل مفتاح اختبار التايب سي في ويندوز كام ثانية، يقرا، ويقفله تاني.
  3. «شغّله»: ويندوز هيطلب صلاحيةدوس «شغّله». البرنامج بيكتب «الفحص المتقدم شغال: دوس Yes في رسالة ويندوز (Windows PowerShell)…»، وويندوز بيطلع رسالة UAC (رسالة صلاحيات ويندوز نفسه، مش البرنامج) فوق الشاشة كلها، بيسألك لو توافق إن التطبيق يعمل تغييرات على الجهاز، ومكتوب فيها Windows PowerShell: ده المساعد اللي Yalla Mobile بيشغّل بيه الفحص. التغيير هو مفتاح الاختبار اللي بيتقفل تاني بعد القراية.
  4. وافق، أو ارفض من غير ما حاجة تحصلدوس Yes (نعم) عشان الفحص يكمّل؛ ولو حساب ويندوز ده مش أدمن، هيطلب باسورد حساب الأدمن. لو دوست No (لا)، البرنامج بيقولك «دوست No في رسالة ويندوز، ومفيش حاجة اتغيرت. الفحص العادي شغال زي ما هو.»
  5. النتيجة: من شريحة التايب سيلما يخلص بيكتب «الفحص المتقدم خلص: عقد الشحن اتقرا من شريحة التايب سي.» وبيظهر جزء «عقد الباور في التايب سي». «الكمبيوتر بيدي باور» (أو «الكمبيوتر بياخد باور» لو الموبايل هو اللي بيدي) وجنبه «الاتفاق»: الفولت والأمبير اللي شريحة الكمبيوتر والموبايل اتفقوا عليهم. «الموبايل يقدر ياخد»: الفولتات والأمبيرات اللي الموبايل قال إنه يقدر ياخدها. الخطوط اللي الشريحة قالت عليها نوع دليلها بيبقى «من شريحة التايب سي» بدل «مستنتج»، وده معناه اللي اتفقوا عليه، مش فولت متقاس بجهاز قياس. الأرقام بتختلف حسب الكمبيوتر والموبايل والكابل، فمكانها هنا «…». لو الكمبيوتر مش بيدعمه بيقولك «اللابتوب ده مش داعم الفحص المتقدم»، ولو الشريحة مردتش «شريحة التايب سي مردتش.»
  6. على الماكعلى الماك شريحة التايب سي بتتقرا على طول من غير فحص متقدم ولا صلاحيات.
الخطوة 1 من 6

1 افتح «فتح ملف»

التبويب ده بيقرا لوج اتسجّل قبل كده: لوج نصي، أو CSV ديجيتال من Saleae Logic 2، أو CSV من sigrok/PulseView و DSView، أو جدول الـdecoder. بيفك الـUART ويفحصه بنفس قواعد «UART مباشر».

الخطوات مكتوبة (6)
  1. افتح «فتح ملف»التبويب ده بيقرا لوج اتسجّل قبل كده: لوج نصي، أو CSV ديجيتال من Saleae Logic 2، أو CSV من sigrok/PulseView و DSView، أو جدول الـdecoder. بيفك الـUART ويفحصه بنفس قواعد «UART مباشر».
  2. ملف Saleae (.sal)؟ صدّره CSV الأولالبرنامج مش بيفتح مشروع .sal. من Logic 2 اختار File ثم Export Data ثم CSV، وافتح الـCSV. نفس الكلام لملف session من sigrok أو DSView: صدّره CSV.
  3. اختار الملفهنا فتحنا لوج الـGalaxy A14 اللي اتسجّل من «UART مباشر»، والبرنامج قرا الملف كله: 5153 سطر. لو هتبعت اللوج لحد، امسح منه السيريال الأول.
  4. نفس لوحة النتيجةالمعالج Exynos (سامسونج إكسينوس)، و«آخر مرحلة» هي آخر حاجة الملف وصلها قبل ما التسجيل يقف: «الرامات خلصت تهيئة»، يعني التسجيل وقف في نص إقلاع جديد. وعلى الملف كله البرنامج عدّ 29 ريستارت، والإقلاعات بتتبادل: 15 بعد SecureOS (نظام الأمان) و14 بعد LK، وده اللي سطر «بيعمل ريستارت بعد:» بيقوله. نفس اللي «UART مباشر» بيشوفه على نفس اللوج.
  5. المشاكل على الملف كلهنفس مشاكل «UART مباشر» بس بعدد أكبر لأن الملف أطول: الريستارت 29 مرة، UVLO (هبوط الفولت تحت الحد) 14 مرة أولها سطر 275، ACOK (الموبايل قام من الشاحن) 29 مرة أولها سطر 85، وسبب آخر ريستارت من لودر سامسونج 29 مرة أولها سطر 65. دوس على أي مشكلة تروح لسطرها.
  6. «التقرير الكامل»زي «UART مباشر» بالظبط: التقرير بيقولك اللي اتعدّى من مراحل الإقلاع، والتوقيعات، والباور والـPMIC، وتقدر تنسخه أو تحفظه.
الخطوة 1 من 2

1 «RFFE / MIPI»: ملف CSV من لوجيك أناليزر

RFFE هو الباص اللي المعالج بيكلّم بيه قطع الواجهة الأمامية للإرسال والاستقبال (الـPA والسويتشات). التبويب ده بيقرا تسجيل RFFE محفوظ CSV من لوجيك أناليزر ويحلّله.

الخطوات مكتوبة (2)
  1. «RFFE / MIPI»: ملف CSV من لوجيك أناليزرRFFE هو الباص اللي المعالج بيكلّم بيه قطع الواجهة الأمامية للإرسال والاستقبال (الـPA والسويتشات). التبويب ده بيقرا تسجيل RFFE محفوظ CSV من لوجيك أناليزر ويحلّله.
  2. حجم الملفأقصى حجم للـCSV 16 ميجا. لو التسجيل أكبر صدّر جزء أصغر. لو الملف مش CSV أو فاضي البرنامج بيقولك.

اقرا النتيجة

اللي البرنامج بيقولهمعناهتعمل إيه بعدها
سليمالخط ده شغال زي ما المفروض.كمّل على الخط اللي بعده.
راجعالخط شغال بس في حاجة مش طبيعية، زي سرعة واطية أو باور مش كفاية.غيّر الكابل والمنفذ وأعد الفحص قبل ما تحكم على الموبايل.
عطلالخط ده فيه عطل، والسبب مكتوب جنبه.اعمل اللي في «تعمل إيه»: كابل تاني، افحص السوكت، تتبّع المسار.
ملاحظةمعلومة مش عطل، زي «USB 2 بس» في خطوط TX/RX.مفيش حاجة تعملها غير لو الموبايل المفروض يدعم USB 3.
مش معروفالبرنامج مقدرش يحكم على الخط ده من اللي شافه.شغّل USB debugging أو الفحص المتقدم، أو قيس بنفسك.
مش في الفيشة ديالفيشة دي مفيهاش الخط ده، زي الـCC في كابل USB-A لمايكرو.مش عطل. متدوّرش عليه.

حالة حقيقية

HONOR 50 على منفذ تايب سي في لابتوب HP

HONOR 50 (NTH-NX9)، كابل تايب سي

وصّلنا الموبايل على منفذ 3 تايب سي في اللابتوب. البرنامج عرفه «أندرويد (ADB)» على سرعة 480 ميجابت، وعلّمه «ده اللي هيتفحص».

«افحص دلوقتي» قال «الـ USB في الموبايل شكله سليم»: VBUS سليم (5.00 V · 2.00 A)، و D+ و D− سليمين على 480 ميجابت، و CC سليم، و TX/RX ملاحظة لأن الموبايل USB 2 بس. كل الخطوط «مستنتج». والموبايل نفسه قال إنه واخد باور AC (كشاحن)، والبطارية 80% و4.11 فولت و34.5 درجة.

البرنامج اقترح اختبار القلب عشان يفحص خط الـCC التاني، وده الخطوة الجاية قبل ما تقول إن السوكت سليم.

شوف الحالة دي في الخطوات فوق ↑

حدود لازم تعرفها

  • أغلب الخطوط «مستنتج» من تصرف الكمبيوتر والموبايل، مش «مقاس». الفحص بيقولك فين تبص، مش بديل للملتيميتر أو الأوسيلوسكوب.
  • منفذ الكمبيوتر مش أوسيلوسكوب: مش هيشوف شوشرة على الخط ولا شكل الإشارة.
  • كابل USB-A لمايكرو مفيهوش CC، فالـCC بيطلع «مش في الفيشة دي»، وده مش عطل.
  • الفحص المتقدم على ويندوز بس، ومحتاج صلاحية أدمن، وبعض الكمبيوترات مش بتدعمه. على الماك الشريحة بتتقرا على طول.
  • «فتح ملف» بيقرا اللي في الملف بس: لو التسجيل اتقطع في النص، «آخر مرحلة» هي آخر حاجة اتسجّلت مش آخر حاجة الموبايل وصلها. والتحليل نفس قواعد UART، وممكن يغلط.

اختبر نفسك

1. الخط مكتوب جنبه «مستنتج». يعني إيه؟

2. ليه الـCC بيطلع «مش في الفيشة دي» مع كابل USB-A لمايكرو؟

3. اختبار القلب بيثبت إيه؟

4. عندك تسجيل من Saleae Logic 2. تفتحه إزاي في «فتح ملف»؟

جاوبت 0 من 4

الفصل الجاي

اتراجع على Yalla Mobile Desktop 3.0.26 (Build 61)