تخطَّ إلى المحتوى
دليل Yalla Mobile Desktop · الفصل 6

أدوات آيفون

«أدوات آيفون» بتقرا سجل الآيفون المتوصل لحظة بلحظة، وتقارير البرامج اللي بتقفل، وملفات Panic Full اللي بتتسجل لما الموبايل يعمل ريستارت، من الموبايل أو من ملف. ولو الموبايل مش بيقوم، بتقرا iBoot serial log، يعني رسايل الإقلاع اللي البوردة بتطلعها، من كابل DCSD.

بيحل إيه

بتعرف سبب الريستارت أو القفل من تقارير الآيفون نفسه بدل التخمين، وبتعرف الموبايل اللي مش بيقوم وقف فين في التشغيل.

محتاج إيه

  • كابل USB سليم للآيفون أو الآيباد، والموبايل قفله مفتوح وموافق على «وثوق» للكمبيوتر.
  • لـiBoot: كابل DCSD (أو كابل سيريال) ودرايفره متسطب على الكمبيوتر.
  • لـ«حلّل على السيرفر»: إنترنت وحساب يلا موبايل وموافقة صاحب الموبايل.

خطوة بخطوة

الخطوة 1 من 5

1 افتح «أدوات آيفون»

من الشريط الجانبي اختار أدوات آيفون. على الجنب مدير الأجهزة، وفي النص البرنامج بيطلب منك تختار جهاز.

الخطوات مكتوبة (5)
  1. افتح «أدوات آيفون»من الشريط الجانبي اختار أدوات آيفون. على الجنب مدير الأجهزة، وفي النص البرنامج بيطلب منك تختار جهاز.
  2. وصّل الآيفونوصّل الآيفون أو الآيباد بكابل USB. «فحص تلقائي» بيدوّر لوحده، أو دوس «فحص الأجهزة».
  3. الجهاز ظهرالجهاز بيظهر تحت «الأجهزة المتصلة». اختاره عشان التبويبات تشتغل عليه.
  4. لو الموبايل ما وثقش في الكمبيوترافتح قفل الآيفون ودوس «وثوق» في رسالة «هل تثق بهذا الكمبيوتر؟» ودخّل الباسورد. من غير كده مفيش تقارير تتقري.
  5. كل تبويب بيعمل إيهReal-Time Log وإنت بتجرب القطعة، Crash Reports للبرامج اللي بتقفل، Panic Full لو الموبايل بيعمل ريستارت لوحده، iBoot (DCSD) لو مش بيقوم، وSaved Reports للي اتحفظ قبل كده.
الخطوة 1 من 3

1 Real-Time Log

سجل الموبايل لحظة بلحظة، والبرنامج بيلوّن الأعطال. استخدمه وإنت بتجرب القطعة.

الخطوات مكتوبة (3)
  1. Real-Time Logسجل الموبايل لحظة بلحظة، والبرنامج بيلوّن الأعطال. استخدمه وإنت بتجرب القطعة.
  2. دليل السحب4 خطوات: وصّل بالكابل، «وثوق»، ريستارت والموبايل متوصل، وأول ما يفتح دخّل الباسورد والسحب بيبدأ لوحده.
  3. أحسن وقتأهم سطور العطل بتكون أول ما الموبايل يفتح بعد الريستارت، فخلّي الكابل متوصل.
الخطوة 1 من 9

1 Panic Full

لو الآيفون بيعمل ريستارت لوحده، هنا بتقرا ملفات البانيك من الموبايل، أو تفتح ملف .ips محفوظ على الكمبيوتر.

الخطوات مكتوبة (9)
  1. Panic Fullلو الآيفون بيعمل ريستارت لوحده، هنا بتقرا ملفات البانيك من الموبايل، أو تفتح ملف .ips محفوظ على الكمبيوتر.
  2. اقرا تقارير جديدة«قراءة تقارير جديدة» بيسحب ملفات البانيك من الموبايل المتوصل. خلّي الجهاز متوصل وقفله مفتوح.
  3. لو القراية وقفتلو القراية ما نفعتش، البرنامج بيقولك السبب والحل: الجهاز مقفل؟ افتحه. الكمبيوتر مش موثوق؟ وافق على رسالة الوثوق. أكتر من جهاز؟ اختار واحد. وبعدين اقرا تاني.
  4. مفيش تقارير جديدةلو الموبايل مفيهوش ملف بانيك في القراية دي، البرنامج بيقولها صريح. ده مش معناه إن الموبايل سليم: ممكن الريستارت ما سابش ملف.
  5. افتح ملف من الكمبيوترعندك ملف بانيك من موبايل تاني أو من عميل؟ «افتح ملف من الكمبيوتر» بيعرض «التقرير الخام الكامل»، و«نسخ النص كاملًا» بينسخه.
  6. حلّل على السيرفر: موافقة الأول«حلّل على السيرفر» مش بيبعت حاجة على طول. تحت الملف بيظهر كارت «تبعت السجل ده للسيرفر؟»: السجل كله هيتبعت زي ما هو من غير ما يتشال منه حاجة، وممكن يكون فيه السيريال وأرقام تعريف تانية أو بيانات شخصية، والسيرفر بيحلله ومش بيحتفظ بيه. «ابعت للتحليل» بيفضل مقفول لحد ما تعلّم إن صاحب الموبايل موافق. «إلغاء» بيقفل الكارت ومفيش حاجة بتتبعت.
  7. علّم الموافقة وابعتابعت بس لو صاحب الموبايل موافق: علّم «صاحب الموبايل موافق إن السجل ده يتبعت»، فـ«ابعت للتحليل» بيشتغل.
  8. كارت النتيجةالنتيجة بتيجي بمستوى (عالي، متوسط، بسيط، سليم)، وجملة بالعربي بتقول العطل، والقطعة المقترحة، واعمل إيه، والسطور اللي بتثبت العطل من الملف نفسه. ده مثال توضيحي من ملف تجريبي، مش موبايل عميل.
  9. مستويات النتيجة«عالي» يعني عطل واضح في السطور، ابدأ بيه. «متوسط» عطل محتمل تأكد منه بالقياس. «بسيط» ملاحظة مش سبب الريستارت. «سليم» مفيش سطر عطل.
الخطوة 1 من 4

1 iBoot (DCSD)

لو الآيفون مش بيقوم ومش ظاهر على USB، كابل DCSD بيقرا iBoot serial log: رسايل الإقلاع اللي البوردة بتطلعها، وتعرف التشغيل وقف فين. في آيفونات كتير حديثة المنفذ بيفضل ساكت، وده مش حكم.

الخطوات مكتوبة (4)
  1. iBoot (DCSD)لو الآيفون مش بيقوم ومش ظاهر على USB، كابل DCSD بيقرا iBoot serial log: رسايل الإقلاع اللي البوردة بتطلعها، وتعرف التشغيل وقف فين. في آيفونات كتير حديثة المنفذ بيفضل ساكت، وده مش حكم.
  2. دوّر على الكابلوصّل كابل DCSD في الكمبيوتر وفي منفذ الموبايل، ودوس «دوّر على الكابل». لو مش ظاهر، اتأكد إن درايفر الكابل متسطب.
  3. ابدأ القراية وشغّل الموبايللما الكابل يظهر: «ابدأ القراية»، وبعدين شغّل الموبايل. البرنامج بيعد السطور اللي اتقرت.
  4. وقف وحلّل«وقف» بيقفل القراية. «حلّل على السيرفر» بيفتح كارت الموافقة الأول: السجل كله هيتبعت زي ما هو، والسيرفر بيحلله ومش بيحتفظ بيه، ومش هيتبعت غير لما تعلّم إن صاحب الموبايل موافق. ممكن كمان تفتح ملف سجل قديم من «افتح ملف سجل».

اقرا النتيجة

اللي البرنامج بيقولهمعناهتعمل إيه بعدها
الكمبيوتر غير موثوقالآيفون ما وافقش إنه يثق في الكمبيوتر ده، فمفيش تقارير تتقري.افتح قفل الموبايل، دوس «وثوق» ودخّل الباسورد، وبعدين «قراءة تقارير جديدة».
الجهاز مقفلالموبايل مقفول بالباسورد وقت القراية.افتحه وسيبه مفتوح لحد ما القراية تخلص.
لا توجد تقارير Panic جديدةالقراية نجحت بس مفيش ملف بانيك جديد على الموبايل.ده مش معناه إن الموبايل سليم. اسحب Real-Time Log أول ما يفتح بعد الريستارت، أو افتح ملف بانيك محفوظ.
المستوى: عاليالتحليل لقى عطل بمستوى عالي في التقرير.ابدأ بالقطعة أو الخط اللي التحليل بيشاور عليه، وراجع التقرير الخام قبل ما تفك.
المستوى: سليمالتحليل ما لقاش عطل في التقرير ده.لو الشكوى لسه موجودة، اقرا تقارير أحدث بعد ما العطل يحصل تاني.
مفيش كابل سيريال ظاهر. اتأكد إن كابل DCSD متوصل وإن درايفر الكابل متسطب.البرنامج مش شايف كابل DCSD.اتأكد إن الكابل متوصل في الكمبيوتر وفي الموبايل وإن درايفره متسطب، وبعدين «دوّر على الكابل».

مثال خطوة بخطوة

مثال توضيحي: آيفون بيعمل ريستارت بعد دقايق من التشغيل

iPhone 12 (مثال توضيحي من ملف تجريبي، مش موبايل عميل)

ده مثال توضيحي مبني على ملف بانيك تجريبي من اختبارات البرنامج نفسه، مش حالة عميل حقيقية. الشكوى: الموبايل بيعمل ريستارت بعد كام دقيقة من ما يفتح.

في Panic Full فتحنا الملف بـ«افتح ملف من الكمبيوتر»، ووافقنا في رسالة الموافقة إن صاحب الموبايل موافق، ودوسنا «ابعت للتحليل».

النتيجة «المستوى: عالي»: الموبايل بيعمل ريستارت لأن حساس الضغط مش بيرد. السطور اللي بتثبت ده من الملف: Missing sensor(s): PRS0، ومعاها userspace watchdog timeout لخدمة thermalmonitord.

القطعة المقترحة فلاتة الشحن (البارومتر عليها) أو كونكتورها. الشغل: نفصل الفلاتة وننضّف الكونكتور ونركّبها، ولو الريستارت لسه موجود نجرّب فلاتة سليمة ونستنى 5 دقايق. لو الفلاتة مفصولة وقت الفحص، العطل ده بيظهر عادي ونتجاهله.

شوف الحالة دي في الخطوات فوق ↑

حدود لازم تعرفها

  • التقارير بتتقري بس من موبايل قفله مفتوح وموافق على «وثوق» للكمبيوتر.
  • مفيش ملف بانيك مش معناه إن الموبايل سليم: مش كل ريستارت بيسيب ملف.
  • «حلّل على السيرفر» مش بيبعت حاجة قبل كارت الموافقة. السجل بيتبعت كله زي ما هو من غير ما يتشال منه حاجة، وممكن يكون فيه السيريال وأرقام تعريف تانية أو بيانات شخصية. السيرفر بيحلله ومش بيحتفظ بيه. ابعته بس لو صاحب الموبايل موافق، ومحتاج إنترنت.
  • النتيجة بتشاور على قطعة محتملة من سطور الملف؛ اتأكد بالقياس قبل ما تغيّر حاجة.
  • iBoot (DCSD) محتاج كابل DCSD أو سيريال ودرايفره، والبرنامج بيقرا بسرعة 115200.
  • في آيفونات كتير حديثة منفذ الإقلاع بيفضل ساكت أغلب الوقت؛ إن مفيش رسايل مش حكم على الموبايل.
  • نفس كارت الموافقة بيظهر لـ«حلّل على السيرفر» في Real-Time Log وفي iBoot.
  • Real-Time Log وiBoot بيقفوا لوحدهم بعد مدة السحب المظبوطة.

اختبر نفسك

1. الآيفون بيعمل ريستارت لوحده. أنهي تبويب تبدأ بيه؟

2. طلع «الكمبيوتر غير موثوق». تعمل إيه؟

3. أحسن وقت تسحب فيه Real-Time Log لموبايل بيعمل ريستارت؟

4. الآيفون مش بيظهر على USB خالص ومش بيقوم. تجرّب إيه؟

5. دوست «حلّل على السيرفر». إيه اللي بيحصل الأول؟

جاوبت 0 من 5

الفصل الجاي

اتراجع على Yalla Mobile Desktop 3.0.26 (Build 61)