Skip to content
YallaMobileUnderstanding comes first
العربية

المعالجات والذاكرة

تكنو Pouvoir 3 Air واقف بوت وماعندوش صوت توصيل: حيلة الـ Vbatt وVol+/-

الباور سبلاي بيعمل لوب والكمبيوتر مش شايف الجهاز، لا test point ولا مخطط. الحل: لحم Vbatt وضغط رفع وخفض الصوت وقراءة المعلومات بالباندورا.

عمر منيع1 min read

This article isn't translated to English yet — showing the original Arabic below.

جهاز Tecno H617 Pouvoir 3 Air (LC6) واقف بوت. سوفت بالحليب.

الفحص

التيستر0.45 أمبير بالبطارية، و0.09 أمبير بدون بطارية

يبقى دائرة الشحن بتعمل بشكل كويس.

الباور سبلاي0.030 ثم 0.053 ثم 0.060 ثم 0.045 ثم 0.000، وبعدها يعيد (Loop)

الشك كالعادة في أجهزة التكنو: سخن على المعالج. لا، مش هعمل كده.

  • وصلته على الكمبيوتر: مفيش صوت توصيل.
  • فيه test point؟ لأ.
  • مخطط أطلع منه الـ test point؟ لأ.

الفكرة

جاتلي فكرة High Speed connection. البطارية فاضية ولو حاولت أقومها على الباور سبلاي هضيعها، والجهاز أساساً مش مستاهل وبطاريته لا تتحمل ده. فعملت كده:

  1. لحمت Vbatt في موجب الباور سبلاي، والأرضي مع الأرضي.
  2. ضغطت زر رفع + خفض الصوت.
  3. عملت Read info على بوكس Pandora.

اتعمل بفضل الله وبيانات الذاكرة سليمة، وكمان الذاكرة اتنشطت بمجرد ما ضغطت على قراءة بياناتها. فصلت الباور ووصلت بطارية وشاحن: الجهاز شحن وجاب علامة الشحن ورفع على التيستر لحد 1.2 أمبير، بس معلق على الشعار. نزلت فلاشة واتبعت الخطوات.

الخلاصة

  • ماتتسرعش في الحكم على العطل.
  • فني هارد وير ماعندوش خلفية عن السوفت وير في الأيام الجاية هتبقى عنده مشكلة كبيرة.
  • التخصص مهم، لكن الإلمام أهم.