Samsung Note 10 Lite موديل SM-N770F فاصل باور بعد الوقوع في سائل. العميل بيقول إن السائل مشابه للكحول (سائل المناديل المبللة)، لكن البوردة حتى بعد تنظيفها مرة قبل كده كانت مليانة أكسدة.
التنظيف
غسلنا البوردة بصابون أطباق وفرشاة ومياه، وبعدها غسلتين بالتنر في غسالة البوردات مع تقليب البورد على الناحيتين، كل وجه 300 ثانية، لتنزيل باقي الرواسب والأكسدة.
الفحص والقياس
أفوميتر، توصيل أمامي في وضع الدايود على كونكتور البطارية440 mV
يبقى فيه تسريب (وليس شورت) لا محالة.
الباور سبلاي بمجرد التوصيل وبدون ضغط الباور17 mA ثم 189 mA ثم 320 mA ثم 8 mA ثم 000 mA، وبتتكرر
التحميلة دي بتقول حاجتين: إن الهاتف بيقلع تلقائياً بمجرد توصيل البطارية أو الباور سبلاي، وإنه حتى مع الإقلاع التلقائي بيدخل في حالة Loop.
كان لازم أقيس ممانعات وجهود حوالين آيسي الباور مبدئياً قبل ما أحكم على المعالج أو الذاكرة. برنامج المخططات مش بيدعم الجهاز، والـ service manual الموجود فقير جداً. والحل؟ ده اللي بنعلمه للطلاب: إزاي تتعامل مع البوردة حتى من غير مخطط.
الممانعة المتدنية: لا تتسرع
قست ممانعات حوالين آيسي الباور على ملفات Buck SW فلقيت أكتر من ممانعة متدنية. بس كلنا نعرف إن في الفئات الحديثة، ممانعات خطوط تغذية الـ CPU وGPU وأحياناً SOC بتكون متدنية.
للحكم بشكل أدق لازم نقيس الجهود على الملفات دي، وقيمها غالباً بين 0.6 و3.3 فولت. وقد كان: كل الجهود خرجت على كل الملفات حوالين آيسي الباور، حتى اللي ممانعتها متدنية. لو كنت تسرعت وحكمت بالشورت من الممانعة، كنا ماشيين في جنازة المعالج.
فين العطل؟
رجعت للـ service manual وحددت إن أمر زر الباور في الجهاز ده خاص بآيسي الباور. يبقى التسريب جوه آيسي الباور نفسه.
- فتحت موقع Mobile1tech وشوفت الآيسي موجود في موديلات إيه، ولقيته في بوردة Samsung S9 SM-G960F، وعندي واحدة تقطيع.
- الآيسي محمي، فحطيته على البريهيتر ونضفت وشبلنت ونزلت.
- الجهاز فتح، لكنه فاصل شاشة.
الشاشة
الجهاز فتح لكنه فاصل شاشة. طب ماتفحص آيسي الـ AMOLED وجهود تغذية الشاشة؟ لأ، لا تحرك ساكناً فتبتلى به، ولا تتجاهل الخطوة صفر وجرب شاشة.