حالة وصلتني من واحد من متدربينا بعد أقل من شهر على نهاية التدريبة الاحترافية، وبفضل الله واجتهاده. لازم الشغل ده يطلع من واحد دارس ومذاكر.
الجهاز: سامسونج A13 إصدار A137. العطل: مقاومة حرارية خفيف، ودرجة حرارة الهاتف منخفضة. والجهاز ما لهوش مخطط على البورنيو.
اللي اتجرب
- الفلاتة اللي جاية مع الجهاز مش الأصلية، والـ Version مختلف. بدّل أكتر من فلاتة ونفس المشكلة.
- شال المقاومة R2 بدون جدوى.
- شال المقاومتين بدون جدوى.
- غيّر المقاومتين بنفس القيم الموجودة على الفلاتة، وبرضه بدون جدوى. بتشتغل شوية وترجع تاني.
النقطة اللي فرقت
لاحظ إن المقاومتين 100k. فتح موقع Voltage Divider Calculator وحسب قيم المقاومات مع الدخل، فلاحظ إن قيمة الخرج أعلى من المطلوب. لعب في قيمة R2 وقلّلها لـ 50k عشان تدي خرج 0.6v. وبفضل الله الجهاز اشتغل.
العبرة هنا إنه ما استناش حد يقوله مكان المقاومة، ولا هتتغير ولا هتتشال، ولا قيمتها كام، ولا هي نازلة في بوردة أصلية ولا كوبي. العبرة إنه فاهم فكرة عمل الدائرة، وعمل الدائرة بالورقة والقلم.