جايلكم بحالة Redmi 9T كوالكوم، في سلسلة قراءة المعالجات بالـ UART DEBUG. سحب الجهاز على تيستر الشحن 140 مللي أمبير بالبطارية وبدونها. لاحظ إن مراقبة التيار هنا بتتم عبر التيستر، يعني من منفذ الطاقة VBUS.
قبل ما أبدأ: إيه اللي لازم أحطه في بالي؟
- المعالج كوالكوم وآيسي الشحن كوالكوم (PMI632_902). وحتى لو الاتنين من كوالكوم، ده مايعنيش وجود منظومة ثقة.
- الهاتف ده مبيقلعش بدون آيسي الشحن، وعملية الشحن مش هتتم بدون المعالج.
- مسارات تحديد حالة البطارية مهمة لعملية الشحن: BATT ON وBATT ID وBATT THERM وVSENSE وISENSE.
القرار والمفاجأة
اتخذت قرار قبل أي فحص وقياس: هقرأ المعالج بالأدابتر. وتفاجأت إن المعالج رفض القراءة نهائيًا. مع إن سحب 140 مللي في الهاتف ده معناه إن المعالج عدّى إقلاعه ومفروض يديني قراءات لوج. ومن هنا اتأكدت إن المعالج لم يقلع بسبب فشل في منظومة الباور، يا آيسي الباور يا آيسي الشحن.
الباور سبلاي
أخدت سحب الباور سبلاي من ناحية مصدر الطاقة التاني (VBATT)، والنتيجة: تسريب قبل ضغط زر الباور تجاوز 500 مللي أمبير، مع ارتفاع في حرارة آيسي الشحن.
بدّلت آيسي الشحن واختفى التسريب. وبعد الضغط على الباور السحب بيوصل لـ 140 ويرجع للصفر، وده مطابق لسحب التيستر. يعني آيسي الشحن القديم كان بيفرّق في السحب بين مصدري الطاقة (VBATT وVBUS) بسبب تلف في قطاع جواه خاص بالـ VBATT.
وده بيفسر ليه بعض أجهزة أوبو بتديك خطأ بطارية مع توصيل الشاحن (مع وجود داتا وإضاءة وصورة الخطأ)، ولما نفتح الجهاز نتفاجئ بتسريب كلي أو جزئي على مسار VBATT.
قاعدة أول مراحل الإقلاعسحب التيستر بدون بطارية = سحب الباور سبلاي قبل ظهور الداتا والإضاءة
وده بيرجعنا أحيانًا لآيسي الشحن، مع إن السحب قد يشير لغيره.
اللوج بعد الإقلاع
بعدها كملت قراءة اللوج (UART DEBUG) بالبطارية وبدونها. بدون البطارية ظهرت أخطاء كتير. بالبطارية أعطاني في الأول قيم ضعيفة من الجهد والتيار (Vbatt حوالي 116 mV)، وبعدين ارتفاع تدريجي في الجهد، دليل على بدء عملية تقويم البطارية. والمعالج كوالكوم استمر في إعطاء اللوج بدون توقف، عكس معالجات تانية جربتها.
القراءة دي ممكن تستخدمها بعد الريبولينج عشان تتأكد إن عدم إقلاع الهاتف لحد دلوقتي مشكلة بطارية أو مساراتها.
الخلاصة
- الصيانة علم وفهم. لما نيجي للعلم نروح للمهندسين المتخصصين اللي شغلهم يفهموا ويحللوا.
- فيه فرق بين إنك تحفظ سحبات باور سبلاي، وإنك تفهم كل سحبة سببها إيه وتحللها.