مسطرة الأعطال: قارن قراءاتك ببوردة سليمة وهتعرف العطل شورت ولا قطع

عايز تحدد أي عطل من غير تخمين؟ محتاج تحتفظ لنفسك بقراءاتك الخاصة، وبعدها تقارن بيها. فيه رسمة بسيطة بحب أسميها مسطرة لتحديد الأعطال، تعالى نفهمها.

القراءات اللي تحتفظ بيها

• سحب الأمبير على الباور سبلاي الطبيعي لكل بوردة. وده تقدر تاخده بسهولة من أي جهاز داخلك يغير شاشة، لأن بوردته سليمة أصلًا.
• قياسات الممانعة على الكونكترات، بنفس الأفوميتر بتاعك، لنفس البوردات السليمة.

وخد بالك: لو هتسجل السحب راعي إنك مركب شاشة ولا لا، وفيه شريحة راكبة ولا لا، عشان معدل استهلاك الدوائر يبقى واحد لنفس الجهاز. وأحسن باور سبلاي تسجل بيه السحبات Aixun P2408S أو الإصدار الأعلى P3208، لأنهم بيسمحولك تخزن السحبات في تطبيق على الكمبيوتر.

إزاي تقرا المسطرة

أي جهاز يدخلك فيه عطل، طلّع البيانات اللي مخزنها وقارن:

لاحظ إن المسطرة في الجزء السفلي عكسية بالنسبة للممانعة: كل ما قيم الممانعة ارتفعت عن المخزن عندك لنفس الجهاز السليم، قربت للقطع. وكل ما نزلت، قربت للشورت.