الهاتف مش بيخرج من وضع الخمول SLEEP MODE. من أكتر الأعطال اللي اتكلمنا عنها، وذكرنا له 15 سبب ممكن. رقم كبير؟ أيوه، بس خد المعلومة دي: كلمة السر AOP، يعني Always On Processor، وده الجزء من المعالج اللي بيفضل صاحي.
أي حاجة متوصلة على الجزء ده من المعالج ممكن تعمل العطل ده. يعني بدل ما العطل له 15 سبب، ممكن يكون له عشرات.
هات الورقة والقلم وتعالى نفهم مع بعض. رفعنا إشارات الـ INT (Interrupt) من حساسات مختلفة بالأوسيلوسكوب، وهي الإشارة اللي بينبه بيها الحساس المعالج. وكانت النتيجة كده:
حساس Proximity (حساس التقارب)
الإشارة بتتحول بعد إقلاع المعالج مباشرة، وتفضل ثابتة على الوضع HIGH حتى بعد ما الهاتف يدخل وضع الخمول.
إشارة INT بعد إقلاع المعالجمن 0.0 فولت إلى 1.8 فولت
لو الإشارة دي كانت 0 فولت أثناء الخمول، العيب غالبًا في الحساس. وتقدر تقيسها كمان بالملتيميتر، مش شرط أوسيلوسكوب.
حساس GRIP (حساس قبضة اليد)
هنا الإشارة مختلفة تمامًا: جاية من البوردة السفلية ورايحة للعلوية، وبتتذبذب، يعني ترتفع وتنخفض بسرعة، في حالة عدم وجود البوردة السفلية. وده معناه واحد من دول:
- فقدان تغذية.
- سوء توصيل في الفلاتة أو الكونكترات.
- المعالج مش قادر يقرأ الحساس.
وهنا لازم أوسيلوسكوب عشان تحدد بالظبط: العيب من الحساس؟ ولا من المسار؟ ولا من سوء الاتصال؟
المغزى
مش كل عطل نحله بتغيير آيسي أو رفع معالج. العبرة بالفهم والتحليل واستخدام أدوات القياس صح. الفهم أولًا.