السؤال ده بيتكرر كل كام شهر: إزاي أقيس خرج آيسي الباور عشان أطمّن إن كله تمام، وإزاي أقيس تغذيات الذاكرة والمعالج؟ وبعض المتدربين بيتلخبط في الترتيب، فقررت أنشر الإجابة كاملة تكون مرجع.
الخطوات
- وصّل الجهاز على الشاحن من غير بطارية، عشان يستمر الضغط على آيسي الباور باستخدام إشارة الـ INT بين آيسي الشحن وآيسي الباور.
- افتح برنامج المخططات اللي معاك واختار جهود التغذية الخاصة بالجهاز (in/out voltages).
- قيس على كل النقط اللي البرنامج مشورلك عليها، وقارن الجهود بالقيم اللي قدامك.
- الجهد الناقص اكتبه في ورقة.
- افصل مصادر الطاقة وقيس ممانعة في أماكن الجهود الناقصة.
تقرا الممانعة إزاي؟
- OL: قطع.
- ممانعة سليمة: يبقى ضعف إنتاج، وهتغيّر آيسي الباور.
- شورت أو ممانعة متدنية: هتحقن في المسار وتشوف مسبب التسريب. قارن بقيم دقيقة لنفس نوع الأفوميتر أو ببوردة سليمة، لأن فيه تطبيقات بتثبّت نفس الممانعة لأكتر من جهاز وده مش واقعي. وخد بالك إن فيه مسارات ممانعتها السليمة متدنية أصلاً، فلو قارنت بقيم مش دقيقة هتروح في حتة تانية خالص.
ملاحظات مهمة
- ممكن تستخدم الباور سبلاي و4.2 فولت على كونكتور البطارية مع ضغط زر الباور بدل الشاحن أو التيستر.
- لو السحب بيرجع للصفر، الباور سبلاي على كونكتور البطارية مش أحسن حاجة، لأن الجهود على خرج آيسي الباور مش هتخرج إلا بعد الضغط على زر الباور. اتأكد إن لحظة القياس الجهاز ساحب أمبير.
- فيه جهود مش بتخرج إلا بعد تفعيل الوظيفة، زي الكاميرات.
- فيه جهود بتخرج وبتختفي، زي تغذية الـ GPU والترانسيفر.
احفظ الإجابة دي ودرّب نفسك عليها.