أثناء العمل في آيفون X مشكلة شحن، بعد اتباع الخطوة الأولى وهي غلق موسفيتات مسار I2C الخاص ببيانات البطارية، لقينا حاجة غريبة.
اللي ظهر
تيستر الشحنسحب يتراوح بين 300 و500 ملي أمبير
الباور سبلايتدريج السحب الطبيعي لحد 225 ملي أمبير ثم يرجع للصفر
الشاشة: عند تشغيل الجهاز على الباور سبلاي مايعطيش التفاحة، لكن يعطي وضع توصيل الشاحن، وده غريب نسبياً.
ليه الجهاز بيظهر علامة الشاحن؟
لما الجهاز يعطي علامة توصيل الشاحن في بداية التشغيل على الباور سبلاي (من غير شاحن فعلاً)، يبقى فيه مشكلة من اتنين.
الأولى: ضعف في تغذيات آيسي الباور، وهي جهدين: PP_VDD_MAIN وPP_VDD_BOOST. أنا ضابط الباور سبلاي على 4 فولت، وده كفاية جداً لتغذية المسارين وبدء الإقلاع. ولو كان فيه تسريب خافض للجهد على مسار منهم، كان هيبقى فيه سحب على الباور سبلاي قبل ضغط مفتاح الباور. والجهاز بيعطي 000 قبل الضغط، يبقى مفيش استهلاك يخفض جهود التغذية. ده مش المشكلة.
التانية: خطأ في قراءة معلومات البطارية. ومسارات I2C الخاصة بقراءة معلومات البطارية في آيفون X، ومن تجربة أكتر من جهاز، الجهاز بيقلع طبيعي من غيرها، لكن ممكن يقف على الشعار أو يعمل ريستارت كل فترة محددة.
اللي اتضحت بيه الرؤية
بعد الفحص النظري لقيت كرة قصدير انطلقت مني أثناء العمل واستقرت بين المكثفين اللي في الصورة، وعملت شورت بين مساري PP_VBUS1 وI2C0.
الخلل في مسارات I2C مش لازم يكون قطع، ممكن يكون تلامسها مع جهد آخر. ده يدي المعالج رد غير الذي ينتظره (0 أو 1)، رد غير منطقي، فيدخل في حالة حيرة: البطارية موصلة لكن جهدها مش كافي للإقلاع، فيطلب منك شحن الهاتف ويعطيك العلامة اللي في الصورة التانية.