النهاردة كنت شغال في آيفون X عيب شبكة قاطع IMEI، وكان محتاج إعادة شبلنة للبيزباند. كام ملحوظة للناس اللي شغالة في الـ X:
- أولاً: لما يجيلك عيب زي ده، قيس ممانعات على البوردة السفلية. لو لقيت تضارب في القراءات في أكتر من مسار له علاقة بالـ BB، وخاصة مسارات الـ Reset، توجه لإعادة شبلنة البيزباند.
- ثانياً: ماتختبرش على تيستر في عطل زي ده. شبلن البوردتين وألحمهم، لأنك محتاج تعمل سوفت وير.
- ثالثاً: في خطأ في 3uTools لاحظته الفترة الأخيرة: لما بتفتح القايمة أثناء السوفت وير، ساعات بيقولك إنه مش شايف البيزباند، وممكن يجيبلك بعد السوفت IMEI N/A. اوعى توقف. كمل واكتف الجهاز، وبنسبة 90% الفترة الأخيرة الأجهزة بتكتف وبتشتغل شبكة. لما تشوف أخطاء 3uTools في الشبكة أثناء السوفت ماتلفش وشك وتقول البيزباند فيه مشكلة.
- أخيراً: أفضل سخان للـ X وبدون منازع، بعد تجربة أكتر من سخان، هو WL.
