حالة شائعة: ايفون 7 بلس فصل شبكة بعد ما فني اشتغل فيه في آيسي الصوت. وواحد من متدربينا جابه معاه للدورة. تعالى نشوف الخطوات.
الخطوات
- رفعنا البيزباند بتوجيهات وتعليمات التعامل مع الآيسيهات المحمية (المحمي ده اللي تحت المعالج)، وشبلناه ورجعناه. والنتايج كانت كويسة. ده كان بمتابعة مهندس التدريب العملي.
- لسه ماظبطش؟ دخلنا على باور البيزباند، رفعنا وقسنا ممانعات، واكتشفنا شورت في أحد المسارات. وهنا لازم أشكر واحد من أصحابي اللي مدني بالممانعات السليمة ولفت انتباهي لمكونات فاتني فحصها.
- بعدها المتدرب غير آيسي باور البيزباند، والجهاز قرأ IMEI وكله تمام.
وبعدين آيسي الصوت
المتدرب مش هيسكت. قالي عايز أصلح آيسي الصوت. دخل عليه رفع وشبلن وعمل البريدجات وظبط أموره. وبعدين طلب يتدرب على آيسي الواي فاي وآيسي الناند، وهم برضه محميين. رفع وشبلن وتعامل معاهم من الألف للياء.
وده الناتج النهائي. الإصرار وحب التعلم والجرأة شروط لازم تتوفر في أي واحد بيتعلم الشغل ده.
