0.070، 0.120، 0.108 ثبوت. الترجمة وصلت؟ دول موديل التليفون (آيفون 6) وترتيب تحميل الباور سبلاي من الشمال لليمين. بنعلم طلابنا مراحل الإقلاع وإزاي ترسم في ذهنك منحنى (سلم تحميل الأمبير) على الباور سبلاي.
بالأمس جاني جهاز بالتحميلة دي. طبعاً خطأ في منظومة الإقلاع، فتوجهت لعدة جهود وقيم أفحصها.
- جهود الباور: سليمة.
- جهد الشحن: سليم.
- ممانعات مسارات آيسي الباور: سليمة.
- التوصيل على الكمبيوتر: مفيش صوت توصيل، ومش قادر أدخل الهاتف Recovery أو DFU.
كنت هبدأ بفحص تسلسل الدوائر واحدة واحدة، إلى أن صاحب الجهاز قال كلمة «الإضاءة». مش من الحكمة هنا قياس ممانعات دائرة الإضاءة، لأنها هتطلع سليمة 100%. مشكلة الجهاز على الباور سبلاي مش إضاءة، وإنما فاصل باور وخطأ في تسلسل الإقلاع.
القياس من غير شاشة
رحت لكونكتور الشاشة أقيس 3 جهود خاصة بدائرة الإضاءة من غير شاشة:
| المسار | الجهد |
|---|---|
| PP_LCM_BL_ANODE | 3.9 فولت |
| PP_LCM_BL_CAT1 | 2.7 فولت |
| PP_LCM_BL_CAT2 | 2.7 فولت |
رميت البروب بكل ثقة: دائرة الإضاءة. فرمت الملف والآيسي على البارد، وفعلاً اشتغلت البوردة بدون إضاءة.
ليه واثق إن العطل في الإضاءة؟
مسارات الكاثود بتستقبل المرتجع من الطاقة الكهربية المستهلكة في الليدات داخل الشاشة. في حالة عدم وجود شاشة، جهود الكاثود في آيسيهات الإضاءة في الآيفون جزء من دائرة داخل الآيسي اسمها OR، وهي دائرة منطقية بتقارن الجهود، فإذا ثبت صحة واحد منها تسمح لباقي الدائرة بالعمل.
جهود دوائر OR غالباً ضعيفة جداً لأن هدفها المقارنة، وبتتراوح بين 0.1 فولت و1.8 فولت. يبقى وجود جهد عالي يوصل 2.7 فولت على رجول الكاثود معناه تدمر الدوائر الداخلية لآيسي الإضاءة، وبتسمح بتسرب جزء كبير من الجهد لرجول الكاثود.
ليه المعالج وقف رغم إن المشكلة في الإضاءة؟
- 0.070: بداية ضخ آيسي الباور تغذياته لوحدات CPU وGPU وSOC اللازمة لتشغيل المعالج.
- 0.120: تشغيل الرامات والذاكرة والاستعداد لاستخراج الكيرنال وملف البوت.
- 0.108 مع التوقف: المعالج بدأ مرحلة التواصل مع منظومة الإقلاع واستدعاء بروتوكولات التواصل، وأهمها I2C0.
وآيسي الإضاءة فيه مساري I2C0: AP_BI_I2C0_SDA وAP_TO_I2C0_SCL.
أسلوب عمل الـ I2C باختصار: المعالج يبدأ بإرسال أوامر مبدئية لمنظومة I2C اللي فيها أكتر من آيسي، لكل واحد عنوانه، وينتظر الرد. 1 معناها إن الآيسي بهذا العنوان سليم ويستجيب، و0 معناها لا يستجيب.
المعالج بيقف عن العمل في حالتين:
- لو كل الآيسيهات ماستجابتش للنداء، أو فشل إرسال النداء من الأساس. زي ما يحصل في آيفون 6 بلس لما مسمار طويل يقطع مسارات I2C0 قبل مقاومة الـ Pull Up، فيرجع التحميل للصفر ويدخل في تكرار لنفس التحميل.
- لو الاستجابة بشكل ماتفهمهوش المعالج، فيتوقف مطالباً بحقه في الفهم.
وهو اللي حصل هنا: الدوائر المنطقية جوه الآيسي اتدمرت وأرسلت للمعالج 2.7 فولت بدلاً من 1.8 فولت (اللي هو 1 ديجيتال)، فدخل المعالج في حالة استغراب، وتوقف عن العمل لحد ما يلاقي إجابة مفيدة.