القاعدة الثانية في الصيانة بعد «الزبون كذاب حتى يثبت العكس» هي: لا تحرك ساكنًا فتبلي به. وحالة ايفون 6 اللي عملت عليها مع طلاب الدورة مثال حلو.
الجهاز على الباور سبلاي
- الجهاز: iPhone 6G، وشكوى العميل: فاصل.
- حالة البوردة: الشيلدات (صاجات الحماية) كلها مرفوعة، ومسخن عليها عشوائي في أماكن مختلفة.
- التحميل على الباور سبلاي: 80 ثم 300 ثم 450 مللي أمبير، وبعدها ريستارت.
- ظهرت حرارة في آيسي Display PMU.
- بعد رفع الآيسي وقياس الممانعات تحته: شورت في مسار PP5V7. (والقاعدة المعروفة: التسريب يضر ما قبله.)
- كمان كان في آثار Long Screw (مسمار طويل). الفضول خلاني رفعت قاعدة المسمار وإنا برفع الآيسي، وقبل ما أكتشف الشورت.
الحيرة: أقيس ولا أشتغل على المسمار؟
هنا اتحطيت في حيرة. أقيس الممانعات تحت الآيسي ولا أشتغل على الـ Long Screw؟ اخترت قياس الممانعات لسبب بسيط:
- في سخونة في الآيسي، والسحب ارتفع فجأة لـ 300 مللي أمبير، ودي علامة على تسريب في منظومة Display.
- أما الـ Long Screw فبيعمل قطع في المسارات، يعني كنا هنشوف السحب نازل عن 80 مللي أمبير.
وفي حالة تانية، ايفون 6s كان فاصل بيانات وإضاءة، والعطل برضه كان شورت في مسار جهد 5.7 فولت الواصل للشاشة.
لما الفلاتات تطلع بريئة
ايفون 6 العميل شاكي من تسريب شحن بطريقة رهيبة. كررت التحميلة خمس مرات بعد فصل الخمس فلاتات، والتحميل فضل عالي لحد ما وصل 1.4 أمبير. ده في جهاز عادي مستحيل يحصل.
قبل كده نشرت حالة شبيهة وكان الحل تغيير فلاتة السماعة والكاميرا الأمامية. لكن لو العطل مش في الفلاتة وكان في البوردة، تبدأ منين وتتحرك إزاي؟ ده بالظبط اللي بنشرحه للطالب: يفهم يعني إيه سلم تحميل الباور سبلاي ويعني إيه مراحل الإقلاع، والسلم بيتكتب بإيده عشان يستوعبه.
الفهم والتحليل الدقيق هو بداية الطريق الصحيح لحل العطل.