من الأعطال المشهورة جدا في ايفون 6 بلس إن اللمس يقف. وساعات بتظهر ستارة بيضا أو ملونة فوق الشاشة. وأغلب مهندسين الصيانة دلوقتي عارفين يحلوا العطل.
المشكلة بتيجي بعد الحل
اللي بيواجههم هو إن تطبيق الطريقة ممكن يوقف وظايف تانية:
- البيانات
- الإضاءة
- الكاميرا الأمامية والكاميرا الخلفية
- حساس المكالمات وحساس الإضاءة
- السماعة وغيرها
وممكن اللمس يشتغل ولكن تظهر أعطال تانية في اللمس نفسه، زي أجزاء من الشاشة مش بتستجيب أو إن اللمس بيشتغل تلقائيا. فلازم تاخد بالك من الملاحظات اللازمة عشان تحل العطل من غير ما تقع في أي مشكلة.
حالة ريستارت وخط أحمر
عطل تاني متكرر معايا 3 مرات، وكل مرة نفس السيناريو. البداية: ايفون 6 أو 6 بلس واقف تاتش. والنهاية: ريستارت وخط أحمر بجنب الشاشة على الناحية اليمين، والجهاز فصل وواقف على 100 مللي أمبير. وكل مرة كنت بختمها بكلمة «أكيد معالج». والسبب طلع الثنر.
والعطل ده وارد الحدوث كمان في الأجهزة الأعلى من ايفون 6.