ليه الفنيين بيقعوا في أخطاء كتير وهم بيحددوا العطل؟ الأزمة اللي بقابلها مع الطلاب في أول الدورات: ألاقي فني شغال سنين ومش قادر يفرق بين الفحص والقياس، ومش قادر يرتب خطواته.
إيه الفرق بينهم؟
| النوع | وضع الأفوميتر |
|---|---|
| فحص المكونات (الفحص الفني) | Buzzer، والقيم مش مهمة |
| قياس الممانعة | Diode |
| القياس الهندسي | VDC و AC |
مفيش قاعدة لبداية الفحص
القاعدة الأولى في الفحص إن مفيش قاعدة لبداية الفحص. اختلاف العطل بيغير بداية الفحص، واختلاف الجهاز ودعمه بيفرق في طريقة الفحص اللي هتستخدمها. خليني أديك مثالين.
أعطال الإضاءة والبيانات
- قياس ممانعة على الكونكتورات.
- قياس الجهود الداخلة والخارجة للآيسيهات (القياس الهندسي).
- فحص المسارات والمكونات.
- فحص الدايود، لو موجود في الدايرة لازم تلتفت له الأول.
أعطال الشحن
- قراءة متفحصة لسحب الأمبير، سواء على الباور سبلاي أو التيستر.
- قياس الجهود الداخلة والخارجة (القياس الهندسي).
- ممانعات الكونكتور.
- فحص المسارات والمكونات.
لاحظت الفرق بين العطلين وترتيب تحديد كل عطل؟ دي مش ثوابت كونية، دي فهم واستخدام لطرق الفحص والقياس. وبنضيف عليها إشارات التفعيل واستخدام عوامل خارجية لفحص الدوائر بذاتها من غير ما نشغل البوردة كلها.