فيه مكثف مشهور إنه بيشورت في جهاز معين. طب ليه هو بالذات؟ إجابتها عيب من عيوب التصميم، وبترجعنا لنقطة مهمة جدًا: الملف له اتجاه.
يعني إيه الملف له اتجاه؟
من وظايف الملف إنه بيعمل مجال مغناطيسي. في المثال ده اتجاه الملف ناحية الداخل. ولو عكست اتجاهه، المجال المغناطيسي هيتركز ناحية الملف اللي تحته، بتاع دايرة الـ Buck اللي بتغذي المعالج. والـ Buck ده نوع من مصادر التغذية بيستخدم ملف وسويتش.
إيه اللي بيشورت المكثف؟
المجال الكهرومغناطيسي متركز في الحتة دي، فبيولد حوالين الملف حاجة اسمها تيارات دوامية. دي تيارات شاردة مش ليها مكان تروحله.
ومع استمرار شغل الجهاز وسخونة الملف، بتبدأ تأثر على جاره: المكثف اللي فوقه. لحد ما يشورت.
يعني المكثف ده بيشورت بسبب مكانه جنب الملف.