Skip to content
YallaMobileUnderstanding comes first
العربية

المعالجات والذاكرة

هواوي Y5 2017 واقع في سائل: سحب التيستر قال ذاكرة وسوفت

بعد تجفيف الجهاز، سحب التيستر 0.09 من غير بطارية و0.40 معاها أشار للذاكرة والسوفت. دخل Brom وفشلت الفلاشة على كذا بوكس لحد ما اكتشفنا السبب.

عمر منيع1 min read

This article isn't translated to English yet — showing the original Arabic below.

الساعة 2 صباحاً وإحنا شغالين على الجثة دي. هواوي Y5 2017 موديل MYA-L22، حالته: واقع في سائل.

الفحص المبدئي بعد التجفيف

التيستر0.09 أمبير من غير بطارية، و0.40 أمبير مع البطارية

السحبة دي معناها نتوجه للذاكرة والسوفت.

الباور سبلايسحب منخفض متدرج لحد 170 ملي أمبير، ثم يرجع للصفر بعد ترك مفتاح الباور

وصلته على الكمبيوتر فطلع صوت توصيل واتعرف بتعريفين: Mediatek usb port وMediatek Vcom port. يعني الجهاز دخل وضع Brom، فالذاكرة لسه فيها النفس. نشتغل براحتنا. العطل دلوقت سوفت وير.

التفليش

  1. سحبت دامب بالباندورا (عشان ملفات الحماية والشبكة، مع إن الجهاز آخره أندرويد 6 والتعامل معاه سهل).
  2. نزلت فلاشة بنفس الإصدار والتوجيه. فشل.
  3. نضفت بواقي أكسدة على سوكت الشحن والفلاتة الموصلة. فشل برضه.
  4. جربت بوكسات: Pandora فشل، EFT فشل، Unlock Tool فشل، NCK Dongle نجح.

بعد السوفت ظهرت لمبة الشحن الحمرا من غير بيانات. جربت فلاشة تانية من موقع Halab Tech، نفس النتيجة: لمبة حمرا من غير بيانات على الشاشة.

السبب كان بسيط

كابلات الشاشة كانت مقفولة وغير راكبة كويس. فكيت وركبت كويس فالجهاز اشتغل. بعدها دخلت على Chimera Tool وكتبت سيريال وهمي، وانتهى الموضوع من غير أي ملفات شبكة ولا ملفات مسحوبة.