واحد من المشتركين سأل: لحد دلوقت مش فاهم يعني إيه ديجيتال وإزاي المعالج بيتنقل من 0 لـ 1؟ رسمنا الصورة دي في لقاء أسبوعي. قبل ما تفهمها لازم تحفظ كام قاعدة.
القواعد
- الغلبة دايماً للجهد الأعلى، ماعدا الأرضي.
- اللغة اللي المعالج بيتكلمها حرفين بس: 0 و1، ومنها بيتترجم أي حرف. الترجمة اللي في الصورة للشرح فقط.
- الـ 0 الديجيتال هو جهد 0 فولت، والـ 1 الديجيتال هو جهد 1.8 فولت في أغلب أجهزة الموبايل. فيه اختلافات في القيم دي في الآيفون بعد 12 وفي الأجهزة الإلكترونية التانية.
- المعالج آيسي مستهلك للطاقة، أما آيسي الباور فهو آيسي منتج للطاقة.
- لو فيه مقاومة واحدة على المسار فمفيش غيرها يتجزأ عليها الجهد، فقيم الجهد أعلى وأسفلها هتتساوى. ده مفهوم الجذب لأعلى (Pull Up).
- عشان الموجة تاخد الشكل المربع اللي في الصورة ويتحدد سرعة نقلها، المعالج بيستعين بمذبذب يولد موجة أساسية بتتحول جواه حسب بروتوكول التواصل.
- التحكم في الموسفيت من داخل المعالج بيتم عن طريق مجموعة op-amp، وتوصيلاتها بتختلف حسب بروتوكول التواصل.
القواعد دي هتساعدك تفهم الصورة. لا تستصعبها، لأن كل قاعدة منها مهمة في الفحص والقياس وفهم آلية عمل الدوائر، سواء آيفون أو أندرويد أو حتى لابتوب.