سحبة إقلاع المعالج بالمللي أمبير لكل شركة، وإزاي تمشي من السحبة لحد العيب

طلابي غلبوني: كل شوية «السحبة دي معناها إيه؟ أبدأ منين؟ أقيس إزاي؟». تعالى أعلمك إقلاع المعالج.

أقل سحبة إقلاع للمعالجات

طب أستفيد إيه؟ امشي بالترتيب ده

1. وصّل الموبايل على التيستر من ناحية مدخل الشحن. لو السحب أصفار، لازم تبدأ بآيسي الشحن أو مساراته أو آيسي الـ USB.
2. لو سحب التيستر نفس سحب الباور سبلاي (بدون بطارية)، نعدّي آيسي الشحن ونكمل.
3. لو السحب على الباور سبلاي من ناحية كونكتور البطارية أقل من سحبة إقلاع المعالج، مشكلتك بين آيسي الباور والمعالج. هتقيس خرج آيسي الباور والممانعات أسفله وإشارات المذبذبات والتوقيت، وتغيّر آيسي الباور، وبعدها شبلنة المعالج.
4. لو السحب على الباور سبلاي أعلى من إقلاع المعالج شوية، وصّل على الكمبيوتر. لو المعالج اتعرّف، روح على الذاكرة والسوفت.

لو المعالج ما اتعرفش

• بص على الصفر الخامس على الباور سبلاي قبل ما تضغط الباور. لو مش ساحب، مشكلتك آيسي باور.
• لو الصفر الخامس ساحب من 1 لـ 9، اخلع الرام ووصّل تاني على الكمبيوتر. لو اتعرّف، يبقى الرام كانت السبب، سواء طبقة فوق المعالج أو مدمجة مع الذاكرة.
• لو ما اتعرفش بعد رفع الرام، راجع مسارات DM وDP وID وBOARD ID وآيسي الـ USB. ولو كلها سليمة، انتقل لشبلنة المعالج.

وخد بالك: بعض المعالجات تحتاج تيست بوينت أو ضغط زراير الجنب أو كابل خاص عشان تتعرف على الكمبيوتر. وكل ده مايلغيش مسببات تانية لنفس الأعطال، لكنها نتايج استنتجناها بالقياسات والتطبيق العملي.

ولو اتعرف على الكمبيوتر؟ برضه مش كفاية

هل تعريف الموبايل على الكمبيوتر معناه إن المعالج سليم 100%؟ الإجابة لأ. هتتأكد بنسبة 90% بس، ولسه قدامك خطوات فحص:

• جهود خرج آيسي الباور: عشان تتأكد إن مفيش شورت بيعطل الإقلاع أو بيدخل المعالج في لوب.
• إشارات الـ CLK: لأن المعالج مش هو الماستر في كل الأحوال، زي RF_CLK وBB_CLK وWlan_CLK وNFC_CLK. ومصدر الإشارات دي بيختلف حسب أوضاع المذبذب (الكرستالات).
• المسارات بين المعالج والذاكرة والرام.

بعد ما تفحص كل دول والجهاز يتعرّف على الكمبيوتر، وقتها بس تقدر تجزم إن المعالج 99% سليم.