نصيحة لكل متابعيني. لما يجيلك جهاز زي ده، بمنظر الأكسدة والشغل غير الاحترافي اللي قبلك عامله، وخلاص قفلت معاه وهتشتغل فيه:
- اتفق مع الزبون، ودي أهم نقطة.
- أول خطوة في بوردة الآيفون: نضف الأندرفيل (الحماية السوداء على المكونات).
- اتفق مع الزبون.
- شيل كل الأسلاك اللي قبلك عاملها، مع تصوير البوردة قبل خلع الأسلاك، لأن أغلب بوردات الآيفون لا تحتاج توصيل أسلاك خارجية حتى لو المسار مقطوع.
- اتفق مع الزبون واوعى تطمنه.
- لازم يكون عندك برنامج مخططات (Wuxinji أو Borneo)، وتقيس ممانعاتك، ويفضل تقارن ببوردة iCloud.
- ماتستقبلش جهاز زي ده إلا لو عندك بوردة تقطيع زيه، لأنك هتحتاج مكونات كتير سواء كانت بتتباع في السوق أو لا.
- في الحالة دي بالتحديد ومشاكل الشاشة، يفضل يكون عندك iBridge وتقيس جهود الإضاءة وباور الشاشة قبل ما تبدأ.
الصيانة مش عافية.