عايز تبقى ناجح في أعطال الأندرويد الفاصلة باور والمتوقفة على الشعار؟ سواء كان السبب عطل شحن أو باور أو سوفت وير أو ذاكرة أو شورت أو تسريب، حط قدام عينك شوية خطوات أساسية، مع عدم تجاهل الخطوة زيرو.
الخطوات السبع
- قياس ممانعات الخطوط والمكونات دي والتحقق من ثباتها: Vbat، Vph/Vsys (CHG_LX)، Vbus، bat id، Usb id. وخد بالك إن الممانعة في الأصل هي المقارنة بين بوردة سليمة وبوردة تالفة، مش بين بوردة ودونجل، لأن الفروقات البسيطة هي اللي بتحكم.
- قياس جهود نفس المسارات السابقة (عشان تحترف الشغل من غير مخطط لازم تبقى كويس في المخطط الأول).
- إتقان التفرقة بين سحبات الأمبير على تيستر الشحن، في وجود البطارية ومن غيرها. بالورقة والقلم وسجل.
- إتقان التفرقة بين سحبات الأمبير على الباور سبلاي.
- تصنيف الدوائر بمختلف أشكالها لأربع أقسام أساسية: خفض، رفع، معالجة، تخزين.
- إتقان بدائل الآيسيهات سواء بالمواقع المدفوعة أو المجانية.
- إتقان التفرقة بين تعريفات الهواتف على الكمبيوتر وحالة كل تعريف.
لو نجحت في الـ 7 شروط دول، صدقني بعبع الأندرويد هيختفي ومش هيفرق معاك الموديل ولا الشركة المصنعة. دول الأهم في تحديد أعطال الأندرويد، ويتطبقوا على الآيفون مع اختلافات بسيطة.