عايز تبقى برنس في صيانة الأندرويد؟ تعالى أقولك السر. الكلام ده لفني أخد تدريب كويس بس مش عارف يجمع أفكاره، وطبعاً لازم تكون متأسس إلكترونيات صح.
اتعلم وافهم
- قسم الدوائر إلى: رفع، خفض، تخزين، معالجة، تمرير.
- ادرس بروتوكولات التواصل: USB وType-C وISP وI2C وI2S وSPI وMIPI وRFFE.
- اتعلم سوفت وير الأندرويد، ولو حتى أساسيات أو دورة مبتدئين.
- ذاكر شرح تيستر الشحن بالورقة والقلم.
- اشترك في موقع Mobile1tech وبرنامج Borneo Schematics.
ابني عادات الورشة
- كل جهاز يدخلك يغير شاشة، ارفع ممانعات كل الكونكترات وعينها عندك.
- أي بوردة تقطيع تقابلك اشتريها.
- عامل كل جهاز كحالة منفردة، وإياك وحفظ الأعطال.
- إياك وتجاهل الخطوة زيرو: تجربة شاشة أو بطارية أو فلاتة موصلة.
- سجل بالورقة والقلم لكل جهاز: الموديل وتحميلات الباور سبلاي، يعني أول سحبة بعد ضغط الباور، وسحبة السليب مود، وسحبة المعالج مع رفع الذاكرة.
- أي حاجة حاسس إنك هتنساها سجلها بالورقة والقلم أو ملف تكست على الكمبيوتر أو فيديو بموبايلك، واعمل لنفسك داتا قيمة.
المعدات واليأس
- ماتسترخصش في المعدات بحكم إن شغلك أندرويد.
- اشتري بوكس eMMC قديم ودنجل معاك، وهتوصل بإذن الله.
- إياك واليأس.
الفهم الأول، وبعده كل حاجة تيجي.